Последние Новости

7 января 2020 года Рождество Господа и Спаса нашего Иисуса Христа


Рождество Христово — великий праздник, торжественный день для всех христиан. В этот день в человека воплотился сам Бог, Спаситель мира.

Церковьприготовляет верующих к достойному празднованию Рождества Христова сорокадневным постом. Канун или навечерие Рождества Христова православные христиане проводят в особо строгом посте. По церковному уставу в этот день полагается вкушать сочиво, обварную пшеницу с медом, отсюда этот день называется сочевником или сочельником. В навечерие Рождества Христова совершаются литургии «Царские часы». Царские часы отличаются от обыкновенных часов тем, что на них читаются особые псалмы, соответствующие празднику паремии, Апостол и Евангелие, поются особые стихиры.

Псалом 86:

         Основания Его на горах святых, любит Господь врата Сионя паче всех селений Иаковлих. Преславная глаголашася о тебе, граде Божий. Помяну Раав и Вавилона ведущим Мя; и се иноплеменницы, и Тир, и людие Ефиопстии, сии быша тамо. Мати Сион речет: Человек и Человек родися в нем, и Той основа и Вышний. Господь повесть в писании людей и князей сих, бывших в нем. Яко веселящихся всех жилище в Тебе.

Тропарь предпразднства:

Написовашеся иногда со старцем Иосифом, яко от семене Давидова, в Вифлееме Мариам, чревоносящи безсеменное Рождение. Наста же время Рождества, и место ни единоже бе обиталищу, но, якоже красная палата, вертеп Царице показашеся. Христос раждается прежде падший воскресити образ.

Пророчества Исаиина чтение.

Отроча родися нам, Сын, и дадеся нам, Егоже начальство бысть на раме Его; и нарицается Имя Его: великаго совета Ангел, чуден Советник, Бог Крепок, Властитель, Начальник мира, Отец будущаго века, приведет бо мир на начальники, и здравие Его, и велие начальство Его, и мира Его несть предела, на престол Давидов и на царство Его, исправити е и заступити е судьбою и правдою от ныне и до века. Ревность Господа Саваофа сотворит сия.

Ко Евреем послания святаго апостола Павла чтение.

В начале Ты, Господи, землю основал еси, и дела руку Твоею суть Небеса. Та погибнут, Ты же пребываеши, и вся, якоже риза, обетшают, и, яко одежду, свиеши их, и изменятся, Ты же тойжде еси, и лета Твоя не оскудеют. Кому же от Ангел рече когда: седи одесную Мене, дондеже положу враги Твоя подножие ног Твоих. Не вси ли суть служебнии дуси, в служение посылаеми за хотящих наследовати спасение? Сего ради подобает нам лишше внимати слышанным, да не когда отпаднем. Аще бо глаголанное Ангелы слово бысть известно и всяко преступление и ослушание, праведное прият мздовоздаяние. Како мы убежим, о толицем нерадивше спасении, еже зачало приемше, глаголатися от Господа слышавшими в нас известися?

От Матфея Святаго Евангелия чтение.

Иисус Христово Рождество сице бе: обрученней убо бывши Матери Его Марии Иосифови, прежде даже не снитися има, обретеся имущи во чреве от Духа Свята. Иосиф же, муж Ея, праведен сый и, не хотя Ея обличити, восхоте тай пустити Ю. Сия же ему помыслившу, се Ангел Господень во сне явися ему, глаголя: Иосифе, сыне Давидов, не убойся прияти Мариам, жены твоея: рождшее бо ся в Ней от Духа есть Свята. Родит же Сына, и наречеши имя Ему Иисус. Той бо спасет люди Своя от грех их. Сие же все бысть, да сбудется реченное от Господа пророком, глаголющим: Се Дева во чреве приимет и родит Сына, и нарекут имя Ему Еммануил, еже есть сказаемо, с нами Бог. Востав же Иосиф от сна, сотвори, якоже повеле ему Ангел Господень, и прият Жену свою. И не знаяше Ея, дондеже роди Сына Своего первенца, и нарече имя Ему Иисус.

Кондак Предпразднства.

Дева днесь Превечное Слово в вертепе грядет родити неизреченно: ликуй, вселенная, услышавши, прослави со Ангелы и пастырьми хотящаго явитися Отроча Младо, Превечнаго Бога.

Стихира, глас 6:

Днесь раждается от Девы рукою всю содержай тварь,/ пеленами, якоже земен, повивается,/ Иже существом неприкосновенен Бог./ В яслех возлежит утвердивый Небеса словом в началех,/ от сосцев млеком питается, Иже в пустыни манну одождивый людем,/ волхвы призывает Жених церковный,/ дары сих приемлет Сын Девы./ Покланяемся Рождеству Твоему, Христе;/ покланяемся Рождеству Твоему, Христе;/ покланяемся Рождеству Твоему, Христе:// покажи нам и Божественная Твоя Богоявления.

По окончании Царских Часов и Изобразительных служится самая важная служба навечерия Рождества Христова — это рождественская вечерня. В обычные предпраздничные дни вечерня совершается совместно с утреней, входя в состав всенощного бдения. Под праздник Рождества Христова всенощное бдение начинается с великого повечерия, а вечерня, чтобы обеспечить ей самое торжественное совершение, соединяется с литургией святого Василия Великого.

На рождественской вечерне не поется тропарь празднику. Но после отпуста священнослужители выходят на середину храма и пред возжженной свечой славят родившегося Богомладенца — поют тропарь и кондак празднику: «Рождество Твое, Христе Боже наш» и «Дева днесь»

Тропарь Рождества Христова, глас 4:

Рождество Твое, Христе Боже наш,/ возсия мирови свет разума,/ в нем бо звездам служащии/ звездою учахуся/ Тебе кланятися, Солнцу Правды,/и Тебе ведети с высоты востока.// Господи, слава Тебе.

Кондак Праздника, глас 3:

Дева днесь Пресущественнаго раждает,/ и земля вертеп Неприступному приносит./ Ангели с пастырьми славословят,/ волсви же со звездою путешествуют://нас бо ради родися Oтроча Младо, Превечный Бог.

В субботу вечером было отслужено Всенощное Бдение, состоящее из великого повечерия, литии и утрени

Перед началом Всенощного Бдения

Небо и земля днесь пророчески да возвеселятся,/ Ангели и человецы духовно да торжествуют,/ яко Бог во плоти явися/ сущим во тьме и сени седящим, рождейся от Девы;/ вертеп и ясли прияша Того;/ пастырие чудо проповедуют;/ волсви от восток в Вифлеем дары приносят./ Мы же хвалу недостойными устнами ангельски Тому принесем:/ слава в Вышних Богу, и на земли мир,/ прииде бо Чаяние языков,// пришед, спасе нас от работы вражия.

Слава в Вышних Богу,/ в Вифлееме слышу от Безплотных днесь,/ на земли мир благоволившему быти./ Ныне Дева Небес ширши:/ возсия бо свет омрачeнным/ и смирeнныя возвыси, ангельски поющия:// слава в Вышних Богу.

Матушка Игумения Филарета

Ликуют Ангели вси на Небеси,/ и радуются человецы днесь,/ играет же вся тварь рождшагося ради в Вифлееме Спаса Господа,/ яко всякая лесть идольская преста,// и царствует Христос во веки.

Лития

Днесь раждает Дева Творца всех,/ Eдем приносит вертеп,/ и звезда показует Христа солнца сущим во тьме;/ с дары волсви поклонишася,/ верою просвещаеми,/ и пастырие видеша чудо,/ Ангелом воспевающим и глаголющим:// слава в Вышних Богу.

Веселися, Иерусалиме,/ торжествуйте, вси, любящии Сиона:/ днесь временный разрешися соуз осуждения Адамова./ Рай нам отверзеся./ Змий упразднися,/ юже бо прельсти первее,/ ныне узре Содетелеву бывшу Матерь./ О, глубина богатства, и премудрости, и разума Божия / Яже исходатаивши смерть всей плоти, греховный сосуд/ спасения начало бысть миру всему Богородицы ради./ Младенец бо раждается из Нея, Всесовершенный Бог, / и Рождеством девство печатствует, / пленицы греховныя разрешаяй пеленами,/ и младенства ради Eвины врачует яже в печалех болезни;/ да ликовствует убо вся тварь и да играет,// обновити бо ю прииде Христос и спасти души наша.

Шестопсалмие

Величание Рождества Христова

Величаем Тя,/ Живодавче Христе, / нас ради ныне плотию рождшагося// от Безневестныя и Пречистыя Девы Марии.

Седален по полиелее

Приидите, видим вернии, где родися Христос: последуем прочее, аможе идет звезда, с волхвы восточными цари: Егоже ангели поют непрестанно тамо, пастырие свиряют песнь достойную, слава в вышних, глаголюще, днесь в вертепе Рождшемуся от Девы и Богородицы, в Вифлееме Иудейстем.

Христос раждается – славите,/ Христос с Небес – срящите./ Христос на земли – возноситеся./ Пойте Господеви, вся земля,/ и веселием воспойте, людие,// яко прославися.

Видев Зиждитель гиблема человека, руками егоже созда,/ приклонив Небеса, сходит;/ Сего же от Девы Божественныя Чистыя// всего осуществует, воистинну воплощься, яко прославися.

Показа звезда прежде солнца Слово, пришедшее уставити грехи,/ волхвом яве во убозем вертепе, милостиваго Тебе, пеленами повита,// Егоже, радующеся, видяху Самого – и Человека, и Господа.

Вифлееме, веселися, князей Иудовых Сый Царь:/ Израиля бо пасый на рамех херувимских, из тебе пройде Христос яве// и вознесый рог наш над всеми воцарися.

Прииде, воплощься, Христос Бог наш из чрева,/ Егоже Отец прежде денницы раждает;/ правления же держа пречистых сил,/ в яслех скотиях возлежит и пеленами повивается,// разрешает же многоплетенныя пленицы прегрешений.

Грядет нас ради из Авраамлих чресл/ темнопадшия во мраце прегрешений/ сыны воздвигнути, долу поникших,/ иже во свете обитаяй и яслех чрез достояние,// ныне благоволив в человеческое спасение.

Икос:

Едем Вифлеем отверзе,/ приидите, видим, пищу в тайне обретохом;/ приидите, приимем сущая райская внутрь вертепа:/ тамо явися корень ненапоен,/ прозябая отпущение,/ тамо обретеся кладезь неископан,/ из негоже Давид пити древле возжадася./ Тамо Дева рождши Младенца,/ жажду устави абие Адамову и Давидову./ Сего ради к Нему идем,// где родися Отроча Младо, Превечный Бог.

Зле неудержанно возвышаемый,/ нечестно бесящийся от развращения мира,/ низложил еси всемощне грех,/ яже привлече прежде, днесь же от сетей спасаеши,// воплощся волею, Благодетелю.

Таинство странное вижу и преславное:/ Небо – вертеп, Престол Херувимский – Деву,/ ясли – вместилище,/ в нихже возлеже Невместимый – Христос Бог,// Егоже, воспевающе, величаем.

Величай душе моя, честнейшую и славнейшую горних воинств, Деву Пречистую Богородицу.

Величай душе моя, от волхвов Бога покланяемаго / от звезды волхвом Возвещеннаго.

Новорожденное, волхвом глаголющим, Отроча Царь, Егоже звезда яви, где есть? Тому бо поклонитися приидохом: яряся Ирод смущашеся, Христа убити богоборец шатаяся.

Величай душе моя, Чистую Деву, и едину Богородицу, рождшую Христа Царя / Волсви и пастырие приидоша поклонитися Христу, рождшемуся в Вифлееме граде.

Испыта Ирод время звезды, еяже вождением волсви в Вифлееме покланяхуся Христу с дары: еюже ко отечеству наставляеми, лютаго детоубийцу оставиша поругана.

Светилен:

Посетил ны есть свыше Спас наш, Восток востоков, и сущии во тьме и сени обретохом истину, ибо от Девы родися Господь.

 

На монастырской площади перед началом ночной Божественной Литургии

Праздничный Клирос

 

Чтение Апостола

Херувимская песнь

Причащение Святых Христовых Таин

Народный хор

«Тело Христово примите, Источника безсмертного вкусите»

В то время как верующие подходили ко Кресту после Литургии, дети отца Александра Лушина под руководством матушки Варвары пели Рождественские колядки

В 8.00 состоялась Божественная Литургия в Никольском храме

Задостойник (Вместо «Достойно есть…»):

Величай, душе моя,// Честнейшую и Славнейшую Горних воинств, Деву Пречистую, Богородицу.,Любити убо нам, яко безбедное страхом/ удобее молчание,/ любовию же, Дево,/ песни ткати, спротяженно сложенныя, неудобно есть;// но и, Мати, силу, елико есть произволение, даждь.

С Рождеством Христовым!