Накануне Праздника в нашем монастыре было отслужено Всенощное Бдение

Аналойная икона апостолов Петра и Павла в Богоявленском храме

Киими похвальными венцы увязем Петра и Павла, разделенныя телесы, и совокупленныя Духом, богопроповедников первостоятели, оваго убо, яко апостолов предначальника: оваго же, яко паче инех трудившася. Сих бо воистинну достойно безсмертныя славы венцы венчает Христос Бог наш, имеяй велию милость.

Киими песненными добротами воспоем Петра и Павла, богоразумия криле, прелетевшия концы, и к небеси вознесшияся? Руце евангелиа благодати. Нозе истиннаго проповедания, реки премудрости: крестныя роги, имиже демонов бровь Христос низложи, имеяй велию милость.

Киими духовными песньми похвалим Петра и Павла, безбожия заклавшия незатыкаемая уста, страшныя Духа мечи, Рима светлая удобрения, всея вселенныя питатели, Новаго Завета богописанныя скрижали мысленныя, яже в Сионе Христос возгласи, имеяй велию милость?

Чтение паримий

Соборнаго послания Петрова чтение.

Возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым. Яко чада послушания, не преобразующеся первыми неведения вашего похотении, но по звавшему вы Святому, и сами святи во всем житии будите. Зане писано есть: святи будите, яко Аз Свят есмь. И аще Отца называете нелицемерно судяща комуждо по делу, со страхом жития вашего время жительствуйте, ведяще, яко не истленным сребром или златом избавистеся от суетнаго вашего жития отцы преданнаго, но честною кровию яко агнца непорочна и пречиста Христа.

Фрагмент росписи Богоявленского храма

Грядите собори днесь верных, благохвальное и красное собрание, благодати избранныя хитрецы, Петра и Павла, подобными хвалами венчаем, яко независтно всем слово всеявше, с сими и благодать Духа обогатиша, и истиннаго винограда суще лозие, грозд зрел нам возделаша, веселящь сердца наша. К ним же откровенным лицем, и чистою совестию возопием, глаголюще: радуйтеся, разорители безсловесных, и служителие словесных. Радуйтеся, всех Творца и Строителя, избрания красная: радуйтеся, ходатаи благих, и отгонителие лестных, ихже да умолим, молитися присно, к Зиждителю и Учителю, мир крепкостоятелен миру даровати, и душам нашим велию милость.

Фрагмент росписи Богоявленского храма

Павле уста Господня, основание учений, иногда убо гонитель Иисуса Спаса, ныне же и первопрестольник апостолов быв блаженне. Темже неизглаголанная видел еси мудре, даже до третияго небесе возшед, и взывал еси: приидите со мною, и благих не лишимся.

Премудрость Божия, соприсносущное Слово Отчее, якоже в Евангелиах предрече, многоплодныя лозы, вы есте всехвальнии апостоли: иже грозд зрел и красен, во ветвех ваших носящии, егоже вернии ядуще, услаждаем вкус к веселию. Петре каменю веры, и Павле похвало вселенныя, утвердите стадо, еже стяжасте ученьми вашими.

Икона апостола Павла из иконостаса Богоявленского храма

Яже по вся грады узы и скорби твоя, кто скажет славне апостоле Павле? Труды, болезни и бдения, яже во алчбе и жажде злострастия, яже в зиме и наготе, кошницу, и жезлобиения, каменометания, и обхождения, глубины истопления: позор бысть ангелов и человеков. Вся убо претерпел еси, о укрепляющем тя Христе: да мир приобрящеши о Христе Иисусе Господе твоем. Темже молим тя, творящии память твою верно, непрестанно моли, спастися душам нашим.

Икона апостола Петра из иконостаса Богоявленского храма

Праздник радостен возсия концем днесь, всечестная память премудрых апостол, и верховных Петра и Павла. Темже и Рим срадуется ликовствуя, в песнех и пениих. Празднуем и мы, братие, всечестный сий день совершивше. Радуйся Петре апостоле, искренний друже твоего Учителя, Христа Бога нашего: радуйся Павле вселюбезнейший, и проповедниче веры, и учителю вселенныя: яко имея дерзновение, супруже святоизбранный, Христа Бога нашего молите спастися душам нашим.

Тропарь, глас 4:

Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.

Шестопсалмие

Третий ряд иконостаса Богоявленского храма

Матушка игумения Филарета в игуменской стасидии

Величание

Величаем вас, апостоли Христовы Петре и Павле, весь мир ученьми своими просветившия и вся концы ко Христу приведшия.

Тя Предвечный проуведев предустави, всеблаженне Петре, яко предстателя Своея Церкве, и первопрестольника.

Обрезание убо совершая осмодневное, и ревнитель отеческих, Павле, преданий, от семене еврейска, колена Вениаминова, по закону же фарисей явлься, вменил еси вся уметы, и Христа приобрел еси: славно бо прославися.

Христово Царствие отверсти, прилежно молися, Петре, божественную твою память, верою несумненною чтущим.

Кондак, глас 2:

Твердыя и боговещанныя проповедатели, верх апостолов Твоих, Господи, приял еси, в наслаждение благих Твоих и покой: болезни бо онех и смерть приял еси, паче всякаго всеплодия, Едине сведый сердечная.

Во ужасе взят быв, третие достигл еси небо пребогате, и услышав неизглаголанная словеса, вопиеши: слава Превышнему Отцу, и Сыну, сияние же сопрестольно испытающаго яве Духа Божия глубины.

Всечестный апостолов приспе праздник Церкви Христове, ходатайствующий спасение всем нам. Тайно убо восплескавше, к сим рцем: радуйтеся светильницы, сущим во тьме мысленнаго солнца зари облистающии. Радуйтеся, Петре и Павле, учений Божественных основания незыблема, друзи Христовы, сосуди честнии: приидите посреди нас невидимо, сподобляюще даров невещественных, ваш праздник восхваляющих песньми.

Радуга над монастырем после Всенощного Бдения