Аналойная Праздничная икона в Богоявленском храме

С нами Бог, разумейте языцы, и покоряйтеся: яко с нами Бог!

Вертеп в храме «Всех скорбящих радосте»

Небо и земля днесь пророчески да возвеселятся, ангели и человецы духовно да торжествуют: яко Бог во плоти явися, сущим во тьме и сени седящим, рождейся от Девы, вертеп и ясли прияша Того: пастырие чудо проповедуют, волсви от восток в Вифлеем дары приносят. Мы же хвалу недостойными устнами, ангельски Тому принесем: слава в вышних Богу, и на земли мир: прииде бо чаяние языков, пришед спасе нас от работы вражия.

Перед началом службы

Слава в выших Богу, в Вифлееме слышу от безплотных днесь, на земли мир благоволившему быти: ныне Дева небес ширши. Возсия бо Свет омрачeнным, и смирeнныя возвыси ангельски поющия: слава в вышних Богу.

Старинный образ Господа Вседержителя

Волсви персидстии царие, познавше яве на земли рождшагося Царя Небеснаго, от светлыя звезды водими, достигоша в Вифлеем, дары носяще избранныя, злато, и ливан, и смирну, и падше поклонишася: видеша бо в вертепе Младенца лежаща Безлетнаго.

Ликуют ангели вси на небеси, и радуются человецы днесь: играет же вся тварь рождшагося ради в Вифлееме Спаса Господа: яко всякая лесть идольская преста, и цартвует Христос во веки.

Сугубая молитва

Веселися Иерусалиме, торжествуйте вси любящии Сиона: днесь временный разрешися соуз осуждения Адамова, рай нам отверзеся, змий упразднися: юже бо прельсти первее, ныне узре Содетелеву бывшу Матерь. О глубина богатства, и премудрости, и разума Божия! Яже исходатаивши смерть всей плоти, греховный сосуд, спасения начало бысть миру всему, Богородицы ради. Младенец бо раждается из Нея Всесовершенный Бог, и рождеством девство печатствует: пленицы греховныя разрешая пеленами, и младенства ради, Eвины врачует яже в печалех болезни. Да ликовствует убо вся тварь, и да играет: обновити бо ю прииде Христос, и спасти души наша.

Тропарь, глас 4-й

Рождество Твое Христе Боже наш, возсия мирови свет разума: в нем бо звездам служащии, звездою учахуся, Тебе кланятися Солнцу правды, и Тебе ведети с высоты Востока: Господи слава Тебе.

Шестопсалмие

Хвалите имя Господне…

Величание.

Величаем Тя Живодавче Христе, нас ради ныне плотию рождшагося от Безневестныя и Пречистыя Девы Марии.

Юные прихожане

Исповедь

Прокимен, глас 4:

Из чрева прежде денницы родих Тя, клятся Господь и не раскается.

Ирмос: Христос раждается, славите. Христос с небес, срящите. Христос на земли, возноситеся. Пойте Господеви вся земля и веселием воспойте, людие, яко прославися.

Показа звезда прежде солнца Слово пришедшее уставити грехи, волхвом яве во убозем вертепе, милостиваго Тебе пеленами повита: Егоже радующеся видяху Самого и человека и Господа.

Вифлееме, веселися, князей Иудовых сый царь: Израиля бо пасый, на рамех херувимских, из тебе пройде Христос яве: и вознесый рог наш, над всеми воцарися.

Ирмос: Прежде век от Отца рожденному нетленно Сыну и в последняя от Девы воплощенному безсеменно Христу Богу возопиим: вознесый рог наш, Свят еси, Господи.

Ипакои, глас 8:

Начаток языков, небо Тебе принесе, лежащему Младенцу во яслех, звездою волхвы Призвавый, яже и ужасаше, не скиптры и престоли, но последняя нищета: что бо хуждше вертепа? Что же смиреншее пелен? В нихже просия Божества Твоего богатство, Господи, слава Тебе.

Невесты Пречистыя пребогатое Рождество, видети паче ума лик свиряющих, преклоняшеся странным образом: чин же поющих безплотных Царя Христа, безсеменно воплощшагося.

На Божественной Литургии Малый Вход

Апостол к Галатом, зачало 209. [Гал. 4, 4 – 7.]

Братие, егда же прииде кончина лета, посла Бог Сына Своего Eдинороднаго, раждаемаго от жены, бываема под законом, Да подзаконныя искупит, да всыновление восприимем. И понеже eсте сынове, посла Бог Духа Сына Своего в сердца ваша, вопиюща: Авва Oтче.Темже уже неси раб, но сын: аще ли же сын, и наследник Божий Иисус Христом.

Мир ти…

Иже Херувимы…

Великий Вход

 

Общее Причастие сестер

Матушка Варвара Лушина с детьми поют колядки

Эта ночь святая,
Эта ночь спасенья
Возвестила всему миру
Тайну Боговоплощенья.
В эту ночь святую
Пастухи не спали,
Светлый Ангел прилетел к ним
Из небесной светлой дали.
Страх объял великий
Тех детей пустыни.
Он сказал им: «О, не бойтесь –
Всему миру радость ныне.
Ныне Бог воплотился
Людям во спасенье;
Вы пойдите, посмотрите
На великое смиренье».
Из высот небесных
Раздалось вдруг пенье:
«Слава, слава в Вышних Богу,
На земле благоволенье!»