Перед началом Всенощного бдения

Центральная икона Святой Троицы в иконостасе Никольского храма

Троицу единосущную песнословим, Отца и Сына, со Святым Духом, тако бо проповедаша вси пророцы, и апостоли с мученики.

Всякое дыхание да хвалит Господа….

Пятдесятницу празднуим, и Духа пришествие, и предложение обещания, и надежди исполнение, и таинство елико, яко велико же и честно. Темже вопием Ти: Содетелю всех, Господи, слава Тебе.

«Вонмем» – перед чтением Паримий

Во пророцех возвестил еси нам путь спасения, и во апостолех возсия, Спасе наш, благодать Духа Твоего. Ты еси Бог первый, Ты и по сих, и во веки Ты еси Бог наш.

Во дворех Твоих воспою Тя, Спаса мира, и преклонь колена, поклонюся Твоей непобедимей силе, ве́чер, и утро, и полудне, и на всякое время благословлю Тя, Господи.

Егда Духа Твоего послал еси, Господи, седящим апостолом, тогда еврейския дети зряще ужасахуся ужасом: слышаху бо я вещающа иными странными языки, якоже Дух подаваше им. Невежди бо суще умудришася, и языки в веру уловивше, божественная ветийствоваху. Темже и мы вопием Ти: Иже на земли явлейся, и от прелести спасый нас, Господи, слава Тебе.

Каждение на литии

«Спаси, Господи, люди Твоя и благослови достояние Твое…»

Не разумеюще языцы, Господи, Пресвятаго Духа на апостолы Твоя бывшия силы, изменение язык пиянство быти мняху. Мы же утвердившеся от них, непрестанно сице глаголем: Духа Твоего Святаго не отыми от нас, молим Ти ся, Человеколюбче.

Аналойная икона Святой Троицы

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Проскомидия…

Молитва на благословение хлебов

 Господи Иисусе Христе Боже наш, благословивый пять хлебов и пять тысящ насытивый, Сам благослови и хлебы сия, пшеницу, вино и елей; и умножи сия во граде сем, во святей обителей сей, и во всем мире Твоем; и вкушающыя от них верныя освяти. Яко Ты если благословляяй и освящаяй всяческая, Христе Боже наш, и Тебе славу возсылаем, со Безначальным Твоим Отцем, и Всесвятым, и Благим, и Животворящим Твоим Духом, ныне и присно во веки веков.

Тропарь, глас 8-й

Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселе́нную, Человеколюбче, слава Тебе.

Чтение Шестопсалмия

«Слава в вышних Богу, и на земли мир, в человецех благоволение…»

Матушка-игумения Филарета

Попразднственный вернии, и конечный праздник празднуим светло, сей есть Пятдесятница, обещания исполнение и предложения, в сей бо огнь Утешителев сниде на землю, яко в виде язык, и ученики просвети, и сия неботаинники показа. Свет прииде Утешителя и мир просвети.

По возстании, Христе, еже из гроба, и еже к высоте небесной Божественном вознесении, боговидцем славу Твою низпослал еси, Щедре, Ду́ха праваго обновивый учеником. Темже яко гусль мусикийская, всем уяснися / божественным бряцалом тайно, Спасе, глашения и смотрение Твое́.

Протоиерей Александр (Антипов)

Духа источник пришед на землю, во огненныя реки разделяяся мысленно, апостолы орошаше просвещая, и бысть им облак орошаяй, огнь просвещаяй тех, и одождяяй пламень, имиже мы прияхом благодать, огнем же и водою. Свет прииде Утешителя и мир просвети.

Величание

Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.

Наш клирос

Ирмосы праздничного канона

Божественным покровен медленоязычный мраком, извитийствова богописанный закон, тину бо отряс очесе умнаго, видит Сущаго, и научается Духа разуму, хваля Божественными песньми.

С высоты силою, учеником, Христе, дондеже облецетеся, рекл еси, седите во Иерусалиме, Аз же, яко Мене, Утешителя иного, Духа Моего же и Отча послю, в Немже утвердитеся.

Решительное очищение грехов, огнедухновенную приимите Духа росу, о чада светообразная церковная, ныне от Сиона бо изыде закон, языкоогнеобразная Духа благодать.

Помазание прихожан елеем

Раздача литийного хлеба

Рекоша чистая и честная уста: разлучения вам не будет, о друзи! Аз бо на Отчем вышнем престоле соседя, излию Духа, возсияти жела́ющим благодать независтную.

Чтение праздничного канона

Баню Божественную пакибытия словом растворив, ссложенное естество, дождоточиши ми струю от нетленнопрободеннаго Твоего ребра, о Божий Слове, запечатлея теплотою Духа.

Каждение на 9й песне канона

Пети подобаше естественножизненную Отроковицу, едина бо во чреве скры Слово, таящееся недугующаго человеческаго естества. Иже в десных странах ныне седяй Отчих, посла благодать Духа.

От Духа Твоего на плоть всякую, якоже рекл еси, богатно излиял еси, и исполнишася всяческая Твоего ведения, Господи, яко из Отца Сын нетленно родился еси, и Дух Нераздельный изы́де.

Божественная Литургия. Вход с Евангелием

Чтение Апостола

Всесвятый Душе, исходяй из Отца, и Сыном пришедый к безкнижным учеником, Тебе, Бога познавших, спаси и помилуй всех.

Каждение на Херувимской песни

«…Иже Херувимы тайно образующе…»

Великий Вход

По окончании Литургии на Вечерне.

Во время чтения коленопреклонных молитв

«…Благословен еси Господи Владыко Вседержителю, просветивый день светом солнечным, и нощь уяснивый зарями огненными, долготу дневную преити нам сподобивый, и приближитися начатком нощи, услыши моления наша, и всех людей Твоих, и всем нам простив вольныя и невольныя грехи. Приими вечерняя наша моления, и низпосли множество милости Твоея, и щедроты Твоя на достояние Твое. Остени нас святыми ангелы Твоими, вооружи нас оружием правды Твоея, огради нас истиною Твоею, соблюди нас силою Твоею, избави нас от всякаго обстояния, всякаго навета сопротиволежащаго. Подаждь же нам и настоящий вечер, с приходящею нощию, совершен, свят мирен, безгрешен, безсоблазнен, безмечтанен, и вся дни живота нашего, молитвами святыя Богородицы, и всех святых от века Тебе благоугодивших.»