Дивны Твоя тайны, Богородице: Вышняго престол явилася eси, Владычице, и от земли к Небеси преставилася eси днесь. Слава Твоя боголепная, богоподобными сияющи чудесы. Девы с Материю Царевою, на высоту вознеситеся. Благодатная, радуйся, с Тобою Господь, подая мирови Тобою велию милость.

Твое славят успение Власти и Престоли, Начала и Господства, Силы и Херувими и страшнии Серафими, радуются земнороднии, о Божественней Твоей славе красящеся, припадают людие со Архангелы и Ангелы и воспевают: Благодатная, радуйся, с Тобою Господь, подаяй мирови Тобою велию милость.

Чтение паримий

Притчей чтение. (Из главы 9:)

Премудрость созда Себе дом и утверди столпов седмь. Закла Своя жертвенная, и раствори в чаши Своей вино, и уготова Свою трапезу. Посла Своя рабы, созывающи с высоким проповеданием на чашу, глаголющи: Иже есть безумен, да уклонится ко Мне. И требующим ума рече: Приидите, ядите Мой хлеб, и пийте вино, еже растворих вам. Оставите безумие и живи будете, и взыщите разума, да поживете, и исправите разум в ведении. Наказуяй злыя приимет себе безчестие, обличаяй же нечестиваго опорочит себе: обличения бо нечестивому раны ему. Не обличай злых, да не возненавидят тебе. Обличай премудра, и возлюбит тя. Даждь премудрому вину, и премудрший будет. Сказуй праведному, и приложит приимати. Начало премудрости страх Господень и совет святых разум: разумети бо закон помысла есть благаго. Сим бо образом многое поживеши время, и приложатся тебе лета живота.

Яже Небес вышшая сущи, и Херувим славнейшая, и всея твари честнейшая, яже премногия ради чистоты Присносущнаго Существа приятелище бывши, в Сыновне руце днесь всесвятую предает душу, и с Нею исполняются всяческая радости, и нам дарует велию милость.

Давидскую песнь днесь, людие, воспоем Христу Богу: приведутся, рече, Царю девы в след Ея, и искренния Ея приведутся в веселии и радовании. Ибо от семене Давидова, Еяже ради мы обожихомся, в руце Своего Сына и Владыки славно и паче слова прелагается, Юже, яко Матерь Божию, воспевающе, вопием и глаголем: спаси нас, исповедающих Тя, Богородицу, от всякаго обстояния и избави от бед души наша.

Тропарь Успения, глас 1:

В рождестве девство сохранила eси, во успении мира не оставила eси, Богородице, преставилася eси к животу, Мати сущи Живота, и молитвами Твоими избавляеши от смерти души наша.

Шестопсалмие

Вынос Плащаницы Божией Матери на Полиелее

Величание Успения:

Величаем Тя, пренепорочная Мати Христа Бога нашего, и всеславное славим успение Твое.

Возопий, Давиде, что сей праздник, егоже воспел еси древле в книзе псаломстей? Яко Дщерь, Богоотроковицу и Деву, преложи Ю на оны обители Христос, Иже из Нея без семене рождся. И сего ради радуются матери, и дщери, и невесты Христовы, вопиюще: радуйся, преставившаяся к Вышнему Царствию.

Преукрашенная Божественною славою, священная и славная, Дево, память Твоя вся собра к веселию верныя, начинающей Мариаме, с лики и тимпаны, Твоему поющия Единородному: славно яко прославися.

Победныя почести взяла еси на естество, Чистая, Бога рождши, обаче же, подобящися Творцу Твоему и Сыну, паче естества повинуешися естественным законом. Темже умерши, с Сыном востаеши, вечнующи.

Достойно, яко одушевленное Тя Небо, прияша Небесная, Пречистая, Божественная селения, и предста, светло украшена, яко Невеста, Всенепорочная, Царю и Богу.

От мертвых чресл произведшися, естеством подобна, Чистая, исхождение разреши, рождши же сущую Жизнь, к Жизни преставися Божественней и Ипостасней.

Яко на облаце, Дево, апостольский лик носимь, к Сиону от конец служити Тебе, Облаку легкому, собирашеся: от Неяже Вышний Бог сущим во тьме и сени Праведное возсия Солнце.

Кондак праздника, глас 2:

В молитвах Неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.

В кимвалех – усты чистыми, мусикийски же – сердцем светлым, доброгласною трубою – высокою мыслию, Девы и Чистыя в нарочитый избранный день преставления, детельными плещуще руками, вопием: препрославленный отцев и наш Боже, благословен еси.

Всесвященное преставление Божественныя Твоея и Нетленныя Матере премирныя Вышних сил совокупи чины, веселитися с сущими на земли, Тебе поющими: Боже, благословен еси.

О, выше ума чудес Приснодевы же и Богоматере! Во гроб бо всельшися, показа рай. Емуже предстояще днесь, радующеся, поем: Господа пойте, дела, и превозносите Его во вся веки.

Светилен праздника

Апостоли, от конец совокупльшеся зде, в Гефсиманийстей веси погребите тело Мое, и Ты, Сыне и Боже Мой, приими дух Мой.

Чтение Апостола на Литургии

28 августа вечером было совершено Всенощное бдение с чином погребения Плащаницы Божией Матери

Блажени испытающии свидения Его, всем сердцем взыщут Его.

Величаем Тя, Богородице чистая, и чтим святое Твое Успение, и покланяемся честному гробу Твоему.

Благословен еси, Господи, научи мя оправданием Твоим.

Честное Твое тело, Дево, тления и во гробе не уведе: но с телом прешла еси от земли к небеси.

Путь оправданий Твоих вразуми ми, и поглумлюся в чудесех Твоих.

От конец приидоша ученицы Христовы, послужити погребению Твоему, Владычице, и воспети Твое успение, Чистая.

Крестный ход с Плащаницей