21 мая 2019года. Всенощное Бдение под праздник Перенесения мощей Святителя Николая из Мир Ликийских в Бари

21 мая 2019года. Всенощное Бдение под праздник Перенесения мощей Святителя Николая из Мир Ликийских в Бари


Молебными песньми, сошедшеся, празднолюбцы, нашего заступника честное пренесение радостно восхвалим, иже вся страны просвещает чудесы и скорбящия божественне утешает, обидимыя избавляет, иже милостынею Бога одолжи и того ради прият стократное воздаяние. К немуже вси мы взываем: помолися, святителю Николае, Спасу всех умирити мир и спасти души наша.

Матушка-Игумения Филарета

Чтение паримий

Премудрости Соломони чтение (глава 4):

Праведник аще постигнет скончатися, в покои будет. Старость бо честна не многолетна, ниже в числе лет исчитается. Седина же есть мудрость человеком, и возраст старости житие нескверное. Благоугоден Бо́гови быв, возлюблен бысть и живый посреде грешник преставлен бысть, восхищен бысть, да не злоба изменит разума его или лесть прельстит душу его. Рачение бо злобы помрачает добрая и парение похоти пременяет ум незлобив. Скончався вмале, исполни лета долга, угодна бо бе Господеви душа́ его, сего ради потщася от среды лука́вствия. Людие же видевше, и не разумевше, ниже положше в помышлении таковое, яко благодать и ми́лость в преподобных Его, и посещение во избранных Его.

Отче Николае, аще и Мирская страна молчит, но мир весь, иже тобою просвещенный, мира же благоухании и чудес множеством взывает благохвальными песньми, и спасшиися тобою осужденнии с сущими в Мирех, и мы, поюще, вопием: моли спастися душам нашим.

Благий рабе верный, делателю винограда Христова, ты и тяготу дневную понесл еси, ты и данный ти талант возрастил еси и по тебе пришедшим не завидел еси. Темже врата Небесная отверзошася тебе, вниди в радость Господа твоего и моли о нас, святе Николае.

Лития

Аналойная икона Свт.Николая в Богоявленском храме

Ин тропарь

Отечество свое, Миры Ликийския, не оставль духом, во премирный град Барский преславно телом пренесеся, архиерею Николае. И оттуду множество человеческое своим пришествием возвеселил еси болящия исцелил еси́. Темже тя молим, святителю Николае, моли Христа Бога, да спасет души наша.

Шестопсалмие

Чтение Акафиста

Слышаша, богомудре Николае, ближнии и дальнии величие чудес твоих, яко по воздуху легкими благодатными крилами навыкл еси сущих в бедах предваряти, скоро от тех избавляя всех, вопиющих к тебе таковая:

Радуйся, избавление от печали; радуйся, подаяние благодати.

Радуйся, нечаемых зол прогонителю; радуйся, желаемых благих насадителю.

Радуйся, скорый утешителю в беде сущих; радуйся, страшный наказателю обидящих.

Радуйся, чудес пучино, Богом излиянная; радуйся, закона Христова скрижали, Богом писанныя.

Радуйся, крепкое падающих возведение; радуйся, право стоящих утверждение.

Радуйся, яко тобою всякая лесть обнажается; радуйся, яко тобою всякая истина сбывается.

Радуйся, Николае, великий Чудотворче.

Новаго тя Ноя, наставника ковчега спасительнаго разумеем, отче святый Николае, бурю всех лютых разгоняющаго направлением своим, тишину же Божественную приносящаго вопиющим таковая:

Радуйся, обуреваемых тихое пристанище; радуйся, утопающих известное хранилище.

Радуйся, плавающих посреде пучин добрый кормчий; радуйся, треволнения морская уставляющий.

Радуйся, превождение сущих в вихрех; радуйся, согреяние сущих во мразех.

Радуйся, сияние, скорбный мрак разгоняющее; радуйся, светило, вся концы земли просвещающее.

Радуйся, от бездны греховныя человеки избавляяй; радуйся, в бездну адскую сатану ввергаяй.

Радуйся, яко тобою дерзновенно бездну милосердия Божия призываем; радуйся, яко тобою от потопа гнева избавльшеся, мир с Бо́гом обретаем.

Радуйся, Николае, великий Чудотворче.

Величание

Величаем тя, святителю отче Николае, и чтим святую память твою, ты бо молиши за нас Христа Бога нашего.

Наш клирос

Незлобивый нравом кроткий образом, житие имея ангельское, Богоблаженне Николае, не престай о нас моляся единому Человеколюбцу.

Святителю Николае, Божия уста быв, из уст волка неприязненна люди избавил еси, славне, и привел еси Творцу дар, даяй исцеление всем.

Всех христиан надеждо, и обидимых велий заступниче, и болящих целителю, печальных утешителю и к Богу от человек ходатаю, отечеству нашему мир испроси и спасай ны от поганых нахождения.

Предстоят ти, блаженне, собори правоверных людей, и хвалятся о тебе церковнии учители, прославляют же тя цари, яко заступника. Мы же ти молимся, спаси ны, Николае, поющия Господеви: отец наших Боже, благословен еси.

22 мая после ранней Литургии в Никольском храме был отслужен водосвятный молебен

Во время молебна

Освящение воды

Батюшка окропляет радостных прихожан святой водой