19 декабря 2019 года Праздник Святителя Николая, архиепископа Мир Ликийских, Чудотворца – Престольный Праздник нашей обители.

Накануне праздника в Никольском храме состоялось Всенощное Бдение.

Перед началом Всенощного Бдения

Победы тезоименит воистинну, верным людем явился еси в напастех крепок, святе Николае, святителю Христов; везде бо призываемь, быстро предваряеши любовию притекающих под кров твой: ты бо, во дни и нощи верным являяся, спасаеши от напастей и обстояний.

В Мирех пожив чувственно, миро воистинну явился еси, миром помазався умным, святе Николае, святителю Христов, и благоухаеши лица, верою и любовию твою всеславную память совершающих присно, разрешая бед, и напастей, и скорбей сих, отче, к Богу твоими молитвами.

Велий заступник и теплый в бедах обретающимся еси, славне, святе Николае, священнопроповедниче Христов, сущим на земли и плавающим, сущим далече и близ обретающимся яко зело милостивнейший и молебник крепкий. Темже, сошедшеся, вопием: молися ко Господу, яко да всякаго избавимся обстояния.

Киими песненными пении похвалим святителя? Нечестия противоборца и благочестия поборника, Церкве первостоятеля, великаго заступника же и учителя, вся злославныя посрамляюща, потребителя Ариева и того пособников. Егоже ради сих шатание Христос низложи, имеяй велию милость.

Премудрости Соломоновы чтение. (Из главы 4:)

Праведник, аще постигнет скончатися, в покои будет. Старость бо честна, не многолетна, ниже в числе лет исчитается. Седина же есть мудрость человеком, и возраст старости – житие нескверное. Благоугоден Богу быв, возлюблен бысть, и живый посреде грешник преставлен бысть. Восхищен бысть, да не злоба изменит разума его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале, исполни лета долга, угодна бо бе Господу душа его, сего ради потщася от среды лукавствия. Людие же видевше и не разумевше, ниже положше в помышлении таковое, яко благодать и ми́лость в преподобных Его и посещение во избранных Его.

Отче Николае, мироположница мощей твоих Миры обогащает, в нихже и связанныя, неправедно осужденныя, во сне царю видением твоим явився, свободил еси от смерти, и уз, и темницы. Но и ныне, якоже тогда и присно, видением твоим явися, моляй о душах наших.

Благий, рабе верный, делателю винограда Христова, ты и тяготу дневную понесл еси, ты и данный тебе талант возрастил еси и по тебе пришедшим не завидел еси. Темже врата Небесная отверзошася тебе внити в радость Господа твоего, и моли о нас, святе Николае.

Лития

Радуйся, священная главо, чистый добродетелей доме, Божественнейшаго священства правило, пастырю великий, светильниче светлейший, иже победы нося имя, и молящимся милостивен преклонитель, проницаяй к немощных прошениям, избавителю готовейший, хранителю спасительный всем, верою чтущим всеславную память твою, Христа моли, преблаже́нне, низпослати миру велию милость.

Радуйся, священнейший уме, Троицы чистое обиталище, столпе церковный, верных утверждение, побеждаемым помощь, звездо, яже сияньми благоприятных твоих молитв разоряя напастей же и скорбей тьму всегда, святителю Николае, пристанище тихое, в неже притекающе треволненьми жития одержимии спасаются, Христа моли душам нашим дати велию милость.

Человече Божий и верный рабе, слуго Господень, мужу желаний, сосуде избранный, столпе и утверждение Церкве, Царствия наследниче, не премолчи, вопия за ны ко Господу.

ТРОПАРЬ СВЯТИТЕЛЯ, ГЛАС 4:

Правило веры и образ кротости, воздержания учителя яви тя стаду твоему Яже вещей Истина. Сего ради стяжал еси смирением высокая, нищетою богатая, отче священноначальниче Николае, моли́ Христа Бо́га, спастися душам нашим.

Шестопсалмие

Вместо второй кафизмы был пропет акафист свт. Николаю

Ангела образом, земнаго суща естеством, яви тебе всея твари Создатель: благоплодную бо доброту души твоея провидев, преблаженне Николае, научи всех вопити тебе сице:

Радуйся, от утробы матерния очищенный; радуйся, даже до конца освященный.

Радуйся, рождением своим родителей удививый; радуйся, силу душевную абие по рождестве явивый.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, крине райскаго прозябения; радуйся, миро Христова благоухания.

Радуйся, яко тобою отгонится рыдание; радуйся, яко тобою приносится радование.

Радуйся, Николае, великий Чудотворче.

Радуйся, великий благочестия столпе; радуйся, верных прибежища граде.

Радуйся, тве́рдое Православия укрепление; радуйся, честное Пресвятыя Троицы носило и похваление.

Радуйся, Отцу равночестна Сына проповедавый; радуйся, Ария возбеси́вшагося от Собора святых отгнавый.

Радуйся, отче, отцев славная красото; радуйся, всех богомудрых премудрая доброто.

Радуйся, огненная словеса испущаяй; радуйся, до́бре стадо свое наставляяй.

Радуйся, яко тобою вера утверждается; радуйся, яко тобою ересь низлагается.

Радуйся, Николае, великий Чудотворче.

Радуйся, избавление от печали; радуйся, подаяние благодати.

Радуйся, нечаемых зол прогонителю; радуйся, желаемых благих насадителю.

Радуйся, скорый утешителю в беде сущих; радуйся, страшный наказателю обидящих.

Радуйся, чудес пучино, Богом излиянная; радуйся, закона Христова скрижали, Богом писанныя.

Радуйся, кре́пкое падающих возведение; радуйся, право стоящих утверждение.

Радуйся, яко тобою всякая лесть обнажается; радуйся, яко тобою всякая истина сбывается.

Радуйся, Николае, великий Чудотворче.

Радуйся, избавление от печали; радуйся, подаяние благодати.

Радуйся, нечаемых зол прогонителю; радуйся, желаемых благих насадителю.

Радуйся, скорый утешителю в беде сущих; радуйся, страшный наказателю обидящих.

Радуйся, чудес пучино, Богом излиянная; радуйся, закона Христова скрижали, Богом писанныя.

Радуйся, кре́пкое падающих возведение; радуйся, право стоящих утверждение.

Радуйся, яко тобою всякая лесть обнажается; радуйся, яко тобою всякая истина сбывается.

Радуйся, Николае, великий Чудотворче.

О пресвятый и пречудный отче Николае, утешение всех скорбящих, нынешнее наше приими приношение и от геенны избавитися нам Господа умоли богоприятным твоим ходатайством, да с тобою воспеваем: Аллилуиа.

Полиелей

ВЕЛИЧАНИЕ:

Величаем тя, святителю отче Николае, и чтим святую память твою, ты бо молиши о нас Христа Бога нашего.

Премудраго иерарха восхвалим, яко тепла в бедах и в скорбех суща от Бога помощника и защитника, вси Николая, вернии, Богоноснаго благочестно: молится бо ко Господу о верою творящих и поющих Божественную память его.

Благодетели обители

Предстатель теплейший Церкве Христовы показался еси, Николае, и ересей безбожная учения разрушая со дерзновением, и правило показался еси всем Православия, о всех моляся, последующих твоим Божественным учением и наказанием.

Ирмос: Песнь победную поем вси Богу, сотворшему дивная чудеса мышцею высокою и спасшему Израиля, яко прославися.

Прославляяй вся Господь Того славящия, тя верным прибежище даде, напастей избавляюща притекающия к твоему крову, Николае, и призывающия тя верою и любовию, преславне.

Недоуменным языком и устнами, похваление малое и моление принести твоему, Николае, приидох Богоподражанному преизяществу; но, яко богатодавец, Спаса и Бога милостива подаждь ми.

Сказует вся подсолнечная, Николае треблаженне, чудес твоих добродетелей пучину: нищии предстателя, и сироты и вдовы питателя, и слепии путевожда, вси же поборника.

Очисти рабы Твоя, грехов оставление, яко благ, даруя, Николая, Твоего угодника, я́же к Тебе ходатайствы, Многомилостиве

Показа благодать на тебе преславне чудеса, Николае: чистое бо житие твое, воистинну злата светлейши, облистает мрачныя души зарею Божественнаго Духа.

Очисти рабы Твоя, грехов оставление, яко благ, даруя, Николая, Твоего угодника, яже к Тебе ходатайствы, Многомилостиве.

Скрижаль в сердцы стяжав, Богомудре, многих добродетелей, написану безсмертным и пречистым перстом Христа Бога, Николае, паче меда и сота сладость точиши из устен твоих.

Жезл из корене Иессеова и цвет от него, Христе, от Девы прозябл еси, из горы, Хвальный, приосененныя чащи пришел еси, воплощся от Неискусомужныя, Невещественный и Боже, слава силе Твоей, Господи.

Избавляя от смерти, яко явился еси первее, Николае, юноши, преподобне. Тако и ныне мя спаси от всякаго обстояния, и напастей, и бед, всеблаженне.

Кондак, глас 3

В Мирех, святе, священнодействитель показался еси, Христово бо, преподобне, Евангелие исполнив, положил еси душу твою о людех твоих и спасл еси неповинныя от смерти. Сего ради освятился еси, яко великий таинник Божия благодати.

Всяких лютых недуг врач всеизряднейший, отче Николае, явився, души моея немощь исцелив, подаждь ми благоздравие, вопити: отцев Боже, благословен еси.

Светом просвещся неприступным, отче, души сущих в скорби озаряеши, разоряя всю мрачную тьму напастей, облистав же веселием сердца наша. Имиже далечесиятельно просвещаеми, вопием: да благословит тварь вся Господа и превозносит во вся веки.

Светилен

Великаго архипастыря и иерарха вси, председателя Мирликийскаго Николая восхвалим: многи бо мужи спасе, неправедно умрети имущия, и царю является со Авлавием во сне, реша неправедный суд.

Человече Божий, и верный угодниче, и строителю Того таин, и мужу желаний духовных, столпе одушевленный, и вдохновенный образ, яко Божественное бо сокровище тя Мирская Церковь, чудящися, прияла есть и молитвенника о душах наших.

Священныя одежды красоту деятельными соделал еси добродетельми светлейшую, отче Богоносе. Темже нам священнодействуеши дивная, славных чудес священнодетелю, лютых избавляя ны.

Вострубим трубою песней, взыграем празднственная и ликовствуем, радующеся, в молебное торжество Богоноснаго отца. Людие да стекутся и иже сонным страшным явлением царя препирающа неповинно держимыя три отпустити воеводы, да воспоют. Пастырие и учителие, Добраго Пастыря подобноревнительна пастыря, сошедшеся, восхвалим, иже в недузех врача, и иже в бедах избавителя, грешнии заступника, нищии сокровище и иже в скорбех утешителя, спутника путешествующии, на мори сущии правителя и вси везде тепле предваряюща, великаго святителя восхваляюще, сице рцем: пресвятый Николае, предвари, и избави ны от настоящия беды, и спаси стадо твое молитвами твоими.

В самый день Праздника в нашем монастыре были отслужены две Божественные Литургии: ранняя, в Никольском храме, и поздняя – в Богоявленском храме.

После ранней Литургии в Никольском храме был отслужен Водосвятный молебен