19.08.2018г. Преображение Господне


(Из Минеи)

Все три синоптических Евангелия содержат весьма сходные описания Преображения Господня (Мф. 17,1; Мр. 9,2; Лк. 9,28). Вскоре после того, как Спаситель открыл ученикам, что Ему надлежит много пострадать от иудеев, быть убиту и в третий день воскреснуть, Он возвел трех апостолов — Петра, Иакова и Иоанна на гору Фавор и преобразился перед ними: лицо Его просияло, как солнце, одежды сделались белы, как снег. Преображение Христово сопровождалось явлением ветхозаветных пророков Моисея и Илии, которые говорили с Господом о Его близком отшествии. Изумление учеников достигло предела, когда всех осенило светлое облако, и из него послышался глас: «Сей есть Сын Мой Возлюбленный, о Нем же благоволил; Того послушайте».

Святоотеческая мысль, углубляющаяся в священную тайну Преобра­жения, видит его с трех сторон. Во-первых, что есть Преображение для Самого Христа, что нового раскрыл Он нам в Себе. Здесь самый сокровенный момент Преображения, и потому святые отцы избегают пространно рассуждать о нем, чтобы земными словами не исказить несказанного. Во-вторых, рассматривается участие в Преображении святых пророков Моисея и Илии и апостолов Петра, Иакова и Иоанна; эта сторона события освещается гораздо подробнее. В-третьих, Преображение Христово есть неиссякаемый источник нравственного научения и духовного назидания.

Празднованием Преображения Господа Церковь исповедует соедине­ние во Христе двух естеств — человеческого и Божественного. Пре­ображение есть явление Сына при свидетельстве Отца в Духе Святом, то есть откровение всех Лиц Святой Троицы. Для Спасителя Преображение состояло не в изменении, не в каком-либо возрастании Его Боже­ственной природы, обладавшей изна­чальной полнотой, но в явлении Его Божества в природе человеческой.

У учеников, возведенных на Фа­вор, действием Божества открылись духовные очи, благодаря чему они оказались способны созерцать Боже­ственный Свет.

Празднование Преображения Господа нашего Иисуса Христа в обители

Икона Преображения Господня

Кондак, глас 7.

На горе преобразился еси, и якоже вмещаху ученицы Твои, славу Твою, Христе Боже, видеша: да егда Тя узрят распинаема, страдание убо уразумеют вольное, мирови же проповедят: яко Ты еси воистинну Отчее сияние.

На первом плане – Николльский храм, колокольня. На заднем – Богоявленский храм

Перед началом Всенощного бдения

Приидите, взыдем со Иисусом, восходящим на гору святую, и тамо услышим глас Бога Живаго, Отца Пребезначальна,  облаком светлым свидетельствующ Божественным Духом Того свойство присносущнаго сыновства, и, умом просвещаеми, в свете Свет узрим.

Облиставшеся светом неприступныя славы, на Фаворстей горе, апостоли Христу вопияху: отец наших Боже, благословен еси.

«Господи, воззвах к Тебе, услыши мя…»

Приидите, предликуем, и себе очистим, и верно уготовим к Божественному восходу превышняго Божия жительства, яко да самовидцы Того величества явимся и славу получим, юже видети сподобишася апостолов предызбраннии тайно на горе Фаворстей.

Аналойная икона храма «Всех скорбящих радосте»

Праздник пресветел Владыченъ прииде, приидите вси, на гору, умно предочистившеся, взыдем Фаворскую, Христа видети.

Матушка на своем игуменском месте

Приидите, взыдем на гору Господню и в дом Бога нашего, и узрим славу преображения Его, славу яко Единороднаго от Отца, светом приимем Свет и, возвышени бывше духом, Троицу Единосущную воспоим во веки.

«Услышим мя, Господи, вонми гласу моления моего…»

Каждение храма на «Господи воззвах…»

Прежде Креста Твоего, Господи, поим ученики на гору высоку, преобразился еси пред ними, лучею силы озаряя их, отсюду убо человеколюбием, отонуду властию, показати хотя Воскресения светлость: егоже и нас, Боже, в мире сподоби, яко Милостив и Человеколюбец.

Сиянием добродетелей просвещшеся, произыдем на гору святую, да узрим Божественное Господне преображение.

Знамение боголепно Божества показует прежде Креста таинником, яко солнце облистав, Христос на горе днесь.

Естество, еже во Адаме, Христос нзменити хотяй на гору ныне восходит Фаворскую, да обнажит таинником Божество.

Иже на горе Фаворстей преобразивыйся во славе, Христе Боже, и показавый учеником Твоим славу Твоего Божества, озари и нас светом Твоего познания и настави на стезю заповедей Твоих, яко един Благ и Человеколюбец.

Поим особь Твоя, Христе, ученики, Петра, Иакова, и Иоанна, волею на гору сих возвел еси, чудо страшное показав и нестерпимое, Божественнаго пришествия Твоего издалеча присносущное благолепие.

Вход

Свете Тихий святыя славы Безсмертнаго Отца Небеснаго, Святаго, Блаженнаго, Иисусе Христе! Пришедше на запад солнца, видевше свет вечерний, поем Отца, Сына и Святаго Духа, Бога. Достоин еси во вся времена пет быти гласы преподобными, Сыне Божий, живот даяй, темже мир Тя славит.

Чтенин паримий на Вечерне

Царств третиих чтение.

Во днех онех, прииде Илиа в Вирсавию, яже есть земля Иудова, и остави отрочища своего тамо. И сам пойде в пустыню путь дне, и прииде, и седе под смерчием, и успе, и сон виде тамо под садом. И се некий прикоснуся ему, и рече ему: востани, яждь и пий. И воззре Илиа, и се при возглавии его опреснок ячменный, и корчаг воды, и воста, и яде и пит, и обращься успе. И обращься ангел Господень вторицею, и коснуся его, и рече ему: востани, яждь и пий, яко мног от тебе путь. И воста и яде и пит: и иде к крепости яди тоя четыредесять дней и четыредесять нощей, до горы Хоривския. И вниде тамо в пещеру, и вселися в ней. И се глагол Господень к нему, и рече ему Господь: изыди и стани на горе пред Господем. И се Господь мимоидет, и дух велий и крепок, разоряя горы, и сокрушая камение пред Господем: и не в дусе Господь. И по дусе трус: и не в трусе Господь. И по трусе огнь: и не во огни Господь. И по огни глас хлада тонка, и тамо Господь. И бысть яко услыша Илиа, покры лице свое милотию своею, и изыде, и ста близ пещеры. И рече Господь к нему: иди и возвратися в путь твой. И пойдеши в путь пустыни Дамасковы, и помажеши Елиссеа сына Асафатова вместо тебе пророка.

Литийные хлеба

Наши прихожане

  1. Лития на Великой Вечерне
  2. «Спаси Господи люди Твоя…»

На горе Фаворстей преобразился еси, Иисусе, и облак светел протязающся яко сень, апостолы славою покры: темже и на землю ниц падаху, не терпяще зрети светлости неприступныя славы лица Твоего, безначальне Спасе Христе Боже. Иже тогда сим свет Твой возсиявый, просвети души наша.

Возшед со ученики на гору, и во славе Отчи облистав, с Моисеом Илиа Тебе предстоят, закон и пророцы бо яко Богу служат. Емуже и Сыновство естественное Родитель исповедая, нарицаше Сына: Егоже воспеваем с Тобою и Духом.

Иже светом Твоим всю вселенную освятив, на горе высоце преобразился еси, Блаже, показав учеником Твоим силу Твою, яко мир избавляеши от преступления. Темже вопием Ти: милосерде Господи, спаси души наша.

Владычествуяй тварию всею, виден быстъ, зрак раба прием, имже Божества неприступное сияние учеником показал есть, якоже вмещаху зрети.

Да облистает доле свет небо паче солнца, и земля да слышит глаголы Живаго Бога, сыновство преобразуемаго: Отец бо свидетельствует на горе Фаворстей.

Тропарь, глас 7:

Преобразился еси на горе Христе Боже, показавый учеником Твоим славу Твою, якоже можаху: да возсияет и нам грешным свет Твой присносущный, молитвами Богородицы, Светодавче, слава Тебе.

Вход постигши святаго преображения Христова, и мы облистаемся Божественными изменении, сие облобызающе.

Гору Фаворскую, приидите вси, достигше умно, Христа узрим, пред ученики Своими страшно преобразующася.

Полиелей

Человек зримый, но Бог крыемый, на Фавор Христос восходит, Божества зарю обнажая, еже паче солнца, славы светлостьми.

Возвещаху славное креста ради Твоего, на Фавор пришедше, иже во огни Тя и купине древле предвидевый Моисей, и взятый на колеснице огненней Илиа, Христе.

Яко Давид пророк, вопием Ти: Фаворская гора и Ермон о Твоем Имени, Христе, возрадуются, в преорбражении Твоем.

Яко велие и страшное узреся видение днесь, с небесе убо чувственное, от земли же несравненное, облиста Солнце правды мысленное на горе Фаворстей.

Гору превысокую – сердце, очищено от страстей, имущии, узрим Христово преображение, просвещающее ум наш.

Богочеловечным пришествием человеком приближився, чудес зарею мир тайно просветил еси, блистающеюся же славою Божества просиял есй на Фаворе неприступным Светом.

Таинство показа Христос учеником на Фаворе, просияв паче зари лицем, одеждою же риз Своих убелився светло, яко снег, одеваяйся, яко ризою, светом псаломски.

Поя Давид Твое преображение, предвозгласи: кто уподобится Тебе, Господеви, глаголя, в сынех Божиих? Ты бо, прославляяся в советех святых, велик явился еси сущим окрест Тебе,/ страшен в славе Божественнаго зрака.

Божественным днесь преображением человеческое все естество просиявает божественно, в веселии зовущее: преобразуется Христос, спасая вся.

Усердно, ведяще славное преображение Господне, озарим духовно промышления наша, сие величающе.

К преложению от земли, на высоту восходящему, ученик избранию последуем, Христово смотряюще странное видение. Удивльшеся же с ними, возопием: Боже, благословен есй.

Добрым изменением изменьшеся, Христовым преображением, обрящемся светоявленни добродеянии нашими, сие величающе.

Оскверншееся очистил еси естество человеческое водою же и огнем, Твоею плотию сего светлость показуеши, Спасе, лицем Твоим просияв паче солнца во образ будущия славы.

Взыдем со Христом на гору святую, возводящим Зеведеевы сыны и Петра лучшаго, ихже избра славе Своей свидетели, зовущия: Боже, благословен еси.

Неприступною славою, на горе явлься неизреченно Фаворстей, неодержимый и незаходимый Свет, Отчее сияние, тварь уяснив, человеки обожи поющия: благословите вся дела Господня, Господа.

Священнолепно стояще, Моисей же и Илиа на горе Фаворе, Божественныя начертание ясно Ипостаси видевше Христа во Отечестей облиставша славе, воспеваху: благословите, вся дела Господня Господа.

Припев: Величай, душе моя, на Фаворе преобразившагося Господа.

Шум из облака посылашеся Богогласен, извествуя чудо: Отец бо светов, Сей есть Сын Мой возлюбленный, апостолом вопияше, Того послушайте.

Припев: Величай душе моя, на Фаворе преобразившагося Господа.

Приидите, Мне покоритеся людие, возшедше на гору святую, пренебесную, невещественно станем во граде Живаго Бога, и узрим мысленно Божество невещественное, Отца, и Духа, в Сыне Единороднем облистающее.

  1. Никольских храм на Преображение Господне.
  2. Здесь была отслужена ранняя Литургия в 6 утра.

Небо создавый и звездам свет вложивый, днесь на гору Фаворскую возшед, освещает ученики зарею Божества Своего.

Роспись на сводах Никольского храма

Днесь на Фаворе Христос Свет облиста,/ днесь свыше шум, глас Отеч, услышан бысть: Сей есть, вопия, Сын возлюбленный Мой.

Праздничная икона в Никольском храме

На святую гору, приидите, взыдем, и всесветлое преображение верою узрим Господне, Тому верно покланяющеся, и глаголем:Ты Бог един еси, воплощен и обожив человечество.

Светилен:

Свете неизменный Слове, Света Отца нерожденна, в явленнем свете Твоем, днесь на Фаворе Свет видехом Отца, Свет и Духа, светом наставляющаго всю тварь.

Мрак законный, светлый преображения прият облак, в немже Моисей и Илиа бывше, и пресветлыя славы сподобльшеся, Богу глаголаху: Ты еси Бог наш, Царь веков.

0