04.12.2018г. Празднование в обители Введения во храм Пресвятой Богородицы

04.12.2018г. Празднование в обители Введения во храм Пресвятой Богородицы


Аналойная икона

Тропарь, глас 4:

Днесь благоволения Божия предображение, и человеков спасения проповедание, в храме Божии ясно Дева является, и Христа всем предвозвещает. Той и мы велегласно возопиим: радуйся смотрения Зиждителева исполнение.

Перед началом Божественной Литургии

Детки из Православной гимназии молятся вместе с нами

Во время чтения часов

Аналойная икона в Нижнем храме

Кондак, глас 4:

Пречистый Храм Спасов, многоценный Чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, Юже воспевают ангели Божии: Сия есть селение небесное.

Малый вход

Матушка Игумения Филарета читает праздничный Апостол

Апостол ко Евреем, зачало 320. [Евр. 9, 1—7.]

Братие, имеяше первая скиниа оправдания службы, святое же людское. Скиниа бо сооружена бысть первая, в нейже светильник, и трапеза, и предложение хлебов, яже глаголется Святая. По вторей же завесе скиния глаголемая, Святая святых, злату имущи кадильницу, и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета. Превышше же eго херувими славы, осеняющии oлтарь: о нихже несть ныне глаголати подробну. Сим же тако устроeным, в первую убо скинию выну вхождаху священницы, службы совершающе: во вторую же eдиною в лето eдин архиерей, не без крове, юже приносит за себе, и о людских невежествиих.

Чтение Евангелия

Евангелие Луки, зачало 54. [Лк. 10, 38—42; 11, 27—28.]

Во время оно, вниде Иисус в весь некую: жена же некая именем Марфа прият Его в дом свой. И сестра ей бе нарицаемая Мариа, яже и седши при ногу Иисусову слышаше слово Его. Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? рцы убо ей, да ми поможет. Отвещав же Иисус, рече ей: Марфо, Марфо, печешися и молвиши о мнозе: едино же есть на потребу: Мариа же благую часть избра, яже не отымется от нея. Бысть же егда глаголаше сия, воздвигши некая жена глас от народа, рече Ему: блажено чрево носившее Тя, и сосца яже еси ссал. Он же рече: темже убо блажени слышащие слово Божие, и храняще е.

После Причащения Святых Христовых Таин

Хор: Видехом Свет истинный, прияхом Духа Небеснаго, обретохом веру истинную, Нераздельней Троице покланяемся: Та бо нас спасла есть.

 Иерей: Всегда, ныне и присно и во веки веков.

Протоиерей Александр Антипов читает молитву Введению во храм Пресвятой Богородицы

Отпуст Крестом по окончании службы

Старинная аналойная икона после реставрации

Молитва

О, Пресвятая Дево, Царица Небеси и земли, прежде век избранная Невесто Божия, в последняя же времена пришедшая в храм законый на обручение Жениху Небесному! Ты оставила еси люди Твоя и дом отца Твоего, во еже принести Себе в жертву чистую и непорочную Богови, и первая дала еси обет всегдашняго девства. Даруй же нам соблюдати себе в целомудрии и чистоте и в страхе Божием во вся дни живота нашего, да будем храмы Духа Святаго, наипаче помози всем в подражание Твое во обителех живущим и обручившим себе на служение Богови в чистоте девства провождати житие свое и от юности нести иго Христово благое и легкое, свято храняще обеты своя. Ты провела еси, Всечистая, вся дни юности Твоея в храме Господнем вдали от соблазнов мира сего, в присном бодрствовании молитвенном и во всяком воздержании душевном и телеснем, помози и нам отражати вся искушения вражеския от плоти, мира и диавола находящих на ны от юности нашея, и побеждати оныя молитвою и постом. Ты в храме Господнем со Ангелы пребывающи, украсилася еси всеми добродетельми, наипаче же смирением, чистотою и любовию и достойно воспиталася еси, да готова будеши вместити плотию Невместимое Слово Божие. Сподоби же и нам, одержимым гордостию, невоздержанием и леностию, облещися во всякое совершенство духовное, да уготовает кийждо от нас с помощию Твоею одеяние брачное души своея и елей доброделания, да не нази и неготови явимся во сретение Безсмертному Жениху нашему и Сыну Твоему, Христу Спасителю и Богу нашему, но да приимет ны с мудрыми девами во обители райския, идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивое заступление всегда, ныне и присно, и во веки веков. Аминь.

Икона Введения праздничного ряда иконостаса Богоявленского храма

Величание

Величаем Тя, Пресвятая Дево, Богоизбранная Отроковице, и чтим еже в храм Господень вхождение Твое.